كان ياما كان أيام زمان مش زمان أوي يعنى أيام جدتي وجدتك كانت الستات تمشي في الشارع لابسين الجلبية السوده والطرحة السوده ولو كان راجل قرب تغطي وشهاا بالطرحة من الكسوف ولو واحد جه وعاكس وقال ياجميل يا قصب بتكون امة لا إله إلا الله نازلة على قفاه بسيمفونية تتوبه عن اللي عمله وتخليه يمشي مظبوط
فجأه جلنا صندوق سحري بيسموه تلفزيون جابلك بنات لابسه ميني جيب وبنطلون رجل الفيل
أصلهم بيقولوا أجانب فبعيد عنك البنات الصغيرة أياميها إتهطلوا وحبوا يقلدوهم ونسيوا إن دول في بلادهم لما يثيروا الرجال مافيش مشكله بعيد عنك مافيش دين ولا أخلاق فعادي يعملوا اللي هم عايزينه لكن عندنا مافيش الكلام ده فبدات تحصل مشاكل
لكن ايام زمان كان فيه برده خير اول ما البنت أو الولد يبقى عندهم 13 أو 14 سنة يبتدوا يجوزوهم عشان ما يحصلش مشاكل
لكن مع الوقت الدنيا إتغيرت والجواز بقى صعب لكن برده في هطل شغال والبنات مصرة على لبس البنطلون يمكن طولت الجيبه لكن مفيش فرق فالولد بقى مش عارف يلاقيها منين ولا منين من التليفزيون اللي ليل ونهار عمال يثيره ويعلم البنات إزاى يغروا الرجال ولا من المشاهد المنيله اللي بتتذاع ليل نهار ولا من البنات في الشارع فقرر الولد التطور هو كمان من المعاكسة بالكلام الى مد الإيد
هنا زعلت البنات وطالبت بإن ايده يا إما تكون جنبه يا إما تنقطع .
ما يعرفوش إن الولد عامل زي الدبانة اللي بتبص للصاعق المنور مش مهم يموت المهم يروح عند النور
نقول للبنات إطفوا النور والبسوا عدل يقولولك انا مالي انا حرة هوة اللي المفروض يمسك نفسه نقولهم يا جماعة الواد بيتهطل وما بيعرفش يفكر أطفوا النور يرحمكم الله . يقولولك ما لناش دعوه فمالقوش حل غير إنهم يخترعوا عبوات مبيد يترش في العين عشان الواد الدبانة يتعمي وما يتحرش لكن لا مبيد ولا دي دي تي بيحوق قالك طيب عندنا حل إحنا نكلمهم بالحسنى ونعمل حملات لا للتحرش
فيحصل تحرش طيب ازاى؟؟؟؟؟
تسأل الواد يقولك بص للبنات تبص تلاقي البنت اللي رافعه يافطه كاتبه عليها انا زي اختك ما تتحرش لابسه هدوم بتقول تحرشوا فالواد يقولك أعمل إيه يا عم الشيخ؟؟ تقول عم الشيخ!!! عم إيه يا بني وشيخ إيه أنا أصغر منك يقول عادي بس إنت ما بتتحرش قولت آه صحيح .
طيب وانا ما بتحرش ليه؟؟؟ فبصيت لنفسي دقيقه وعرفت .
عرفت إن فيه أمر من ربنا بيأمرني بغض البصر قال الله تعالى
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ }النور30
وفيه حديث عن رسول الله صل الله عليه وسلموقولت طيب حتى لو انا لم أخاف الله أو كنت ملتحي واظهر مظاهر التدين لأي سبب زي كسب ثقة الناس مثلا هل هعمل كده برده قولت لأ لأني لو مش خايف من ربنا وملتزم عشان الناس يبقى هخاف من الناس وهعمل حسابهم وحتى مش راكبه إن واحد ملتحي ولحيته شبرين ويظهر عليه التدين ماشي يعاكس حد شافها دي ؟؟؟ تقول للولد طيب ليه يا أخي ما تتدين وتلتزم بدينك وتطيع ربك وتغض بصرك اليس هذا حل جميل ممكن تلاقي الولد متقبل تقول للبنت يا أختي لماذا لا تحتشمي ولا تثيري الرجل وتصوني عرضك وترضي ربك فتلقيها بتقول إيه قمع الحريات ده عايزين ترجعونا للجاهليه عايزه يربي دقنه ومايبقاش شاب روش انتوا رجعيين ومتاخريين عايزيين ترجعونا 14 قرن ورا فالواد طبعا بسرعة يقلب ويقول ايوه دي حرية خليك في حالك فحدوتة التحرش مش هتخلص ومافيهاش توته توته إلا لما نلتزم بديننا وأحكامه عشان تخلص الحدوتة
رسائل لكل من الشباب والبنات
أخي الكريم قبل أن تقول لها تحجبي وأحتشمي غض بصرك أولا فانت مأمور بهذا
أختي الكريمة قبل أن تقولي له إقطع يدك إحتشمي ولا تستفزيه ليمدها أساساً
أخي الكريم إعتبرها أختك أو والدتك
اختي الكريمه إرتدي ملابس ليس فيها لفت عشان لما واحد في الشارع يحب يمنعه يقدر يقوله إعتبرها أختك لانك لو مبتذله في ملابسك هيقول اختي محترمه
وحجة النصارى وغير المسلمين في مصر أفضل النساء في دينك وفي ديني السيده مريم عليها السلام فتشبهي بها ما تدعون أنها صورها ترتدي بها الملابس المحتشمه
إن حدث هذا لن نسمع عن شئ إسمه تحرش
